台語華語辭典
台灣記憶
[轉去本站首頁]    [轉去台灣俗語鹹酸甜]

肉包khian狗仔,加了--ê

    唸一首台語轉嘴花(急口令)予逐家聽:
    一隻猴,真正gâu ,chhōa一陣猴仔. 去挽豆仔;
    一隻狗,真正老, 嘛chhōa一陣狗仔. 去食包仔。
    Hit陣猴仔.kap Hit陣狗仔,攏行到後壁溝仔,拄著人teh 放炮仔。
    猴仔.去lòng 著狗仔,狗仔. 去踢著猴仔:
    猴仔.罵狗仔,狗仔咬猴仔,
    猴仔.用豆仔.khian狗仔,狗仔.嘛用包仔.khian猴仔;
    狗仔.吠,猴仔.吼,
    m̄知是猴仔. 驚狗仔,抑是狗仔. 驚猴仔。
    猴仔.走,狗仔.嘛走,
    歸條溝仔. 攏是豆仔.kap 包仔!
    笑詼--ê 是狗仔kap 猴仔攏愛食包仔,用「肉包khian 狗仔,」逐家嘛知影「加了--ê 」,哪會最後歸條溝仔. 攏是豆仔.kap 包仔!
    教予囡仔念,真趣味,beh 試看覓咧無!包領大人囡仔攏真歡喜。
    φ註解φ
    khian:[擲、丟]
    chhōa:帶著。
    一陣:一群。
    吼:háu。
轉去