台語華語辭典
台灣記憶
[轉去本站首頁]    [轉去台灣俗語鹹酸甜]

狗屎埔,狀元地

    狗屎埔,狀元地,有人為你心痴迷;
    狀元地,狗屎埔,有人為你一生teh 糊塗。
    狀元地,是龍穴,得會著,致蔭囝孫為俊傑;
    有錢用錢買,有權用權提,
    聽講慈湖、大溪,猶有南園、郡坑,攏有好地,
    m̄-chiah 人來客去真正濟,想beh 看地理,到底是真抑是假。
    到taⁿ,你講,是真?是假!!!
    狗屎埔,予狗放屎臭ko͘ⁿ-ko͘ⁿ,無人beh,
    福地福人居,時運若到,狗屎埔變狀元地,
    chit-mái 田僑仔滿四界,著是狗屎埔變黃金地,
    滿地狗屎,著是滿地黃金,啥人福氣啥人ê 。
    狀元地,狗屎埔,狗屎埔,狀元地,
    管汰伊啥麼埔啥麼地,做人上好是心地,
    心地若好,一四界攏是清涼地,
    致蔭囝孫,有好竹著有好筍。
    φ註解φ
    狗屎埔:狗放屎無人愛ê 草埔仔。
    狀元地:好所在,地理好,價數高。
    田僑仔:chhân-kiâu-á,靠田地起價ê 暴發戶。
轉去