| 「千里送鵝毛」禮輕情意重。 | | 送禮是一項大代誌，婚喪喜慶著送禮，人來客去、朋友交際著送禮，阿公--ê 看阿孫--ê 著送禮，序細探訪序大嘛著送禮。送禮送了正當有人情味，會牽倚人ê 感情，糖甘蜜甜；送禮若送了無拄好，傷少真厭氣，人會講咱pat-á-sái ，若是送了傷濟，人閣誤會咱m̄ 知beh 創啥麼貨；上蓋犯嫌--ê 著是o͘-se ，錢濟濟，抑是貴重ê 上頂貨，希望你kā 鬥腳手，做hit-lō 犯法ê 工課，代誌若破空是會hông. 關tiàm lo̍k 櫥仔底。 | | 君子交陪淡如水，來來去去重情義，送禮有必要，總是bē 凍見擺空手hò͘ 蝦，按呢會失禮，beh 按怎送禮，本地土產，家己所種攏好勢，免傷濟，上好是講beh 送hō͘ 囡仔，抑是講beh 送hō͘ 阿姆kap 阿伯。 | | | | | | φ註解φ | | 婚喪喜慶：hun song hí khèng。 | | 正當：chèng-tong。 | | 牽倚人ê：[拉近人的] | | 厭氣：失禮歹勢。 | | pat-á-sái ：[ 吝嗇鬼] | | 犯嫌：忌諱，hō͘ 人誤會。 | | o͘-se ：[ 賄賂] | | lo̍k 櫥仔底：監獄內。 | | 空手hò͘蝦：[空手到，兩串蕉] | |
| |
| |
